Mín skoðun

Lögin ekki fyrir lögfræðinga???

Wed, 02 Apr 2008 01:28:29 GMT

Á fullri ferð að tala í gsm síma án handfrjálsabúnaðarins.......sá ljósmyndarinn ekkert athugavert við þetta....ekki frekar en lögfræðingurinn um að brjóta lögin (bara ef það sést ekki til hans)!!!!!!
Eru landslög bara fyrir "sauðsvartann almúgann"?

Fluttur...

Fri, 09 Mar 2007 22:09:45 GMT

Hingað

Handboltaveizla

Tue, 23 Jan 2007 18:47:41 GMT

Hér sit ég og grenja eins og hver önnur kelling, get varla pikkað fyrir tárum,

kannski ætti ég að hætta að taka svona mikið í nefið í einu???

Áfram Ísland þið eruð alveg að vinna þessa keppni Strákarnir Okkar.

Vil minna fólk á meilið mitt. svei@heimsnet.is

Ekki annað í dag.

Nú Fárið er farið!!!!!

Tue, 02 Jan 2007 00:14:51 GMT

Gleðilegt ár allir sem hér nenna enn að kíkka inn ,,,,,meira af mér að frétta seinna hér ......trúlega á nýju bloggi á nýju ári með nýjum vinnutíma....hvenær sem það svo nú breytist.....hvet ykkur endilega til að fylgjast með því.

Timburmenn og taktfast líf.

Mon, 27 Nov 2006 07:35:43 GMT

Þá er parketpartýið búið, bæði parketið og manskapurinn lifðu af þessa helgi og átroðning, næsta verkefni er svo að ganga frá stofunni, ljós, stigi og gardínur, þegar það er búið verður sennilega komið langt fram á næsta ár en vonandi ekki, svo liggur fyrir að mála mitt herbergi og parket leggja þar líka.

Allt þetta átti nú samt að vera verkefni fyrsta mánaðar í þessarri íbúð.

Nú er bara að finna brúkhæfann rafvirkja.

Meira bull frá mér síðar....

Það hafðist að lokum.

Mon, 20 Nov 2006 12:02:19 GMT

Satt er það þetta hafðist að lokum með parketið....og vil ég nota tækifærið og þakka öllum sem komu og lánuðu mér hendur við verkið.....svo er upskeruhátíð fyrir þá hina sömu núna næsta laugardag hér. En þá verður vonandi búið að þvo og bóna til að stíga dans á nýja gólfinu.

Meira frá mér síðar.....

Parketlagning

Sun, 29 Oct 2006 20:59:28 GMT

Jább það er parketlagning framundan........einhverjar hendur til í aðstoð?

Ekki meira frá mér í bili..........meira fljótlega.

Meðmæli

Thu, 26 Oct 2006 15:38:04 GMT

Ég mæli með rétti dagsins á Horninu Hafnarstræti 15.

Ekki fleira í bili frá mér en meira fljótlega

Pásubull....

Wed, 13 Sep 2006 14:18:48 GMT

Jæja þá er pásan búin en letin ekki, þannig að hér verður bloggað stopult á næstunni vegna leti minnar sem er mér meðfædd en ekki ásköpuð....eða þannig. Ég gekk jú á Vífilsfellið (kóklaus) og þetta er ekki Vífilfellið í Árbænum myndir af því koma svo seinna ég er ekki búinn að koma myndunum á netið.

Fór norður á Costa del Kópasker um síðustu helgi 9. og 10. sept í bílaviðgerðir og fleirra ....datt um nokkrar skjátur í Katastaðarétt á sunnudeginum áður en ég hélt heim á leið.

Dóttlan kom með mér norður og varð eftir á Húsavík, og kom svo með mömmu sinni í bæinn á sunnudeginum, þannig að ég var einn í bíl suður og var ekki neitt frekar lengi á leiðinni nema rétt í gegnum Húnavatnssýslurnar.

Myndir úr réttunum er að finna á www.dettifoss.is undir fréttir. Myndir af Vífilsfells svaðilförinni koma svo síðar þegar ég hef náð í myndavélina út í bíl...eða þannig.

Meira bull frá mér einhverntíma seinna.......veit ekki hvenær...

Síðbúið blogg......en kom þó

Tue, 15 Aug 2006 22:05:56 GMT

Jæja þá er ég loksins búinn að koma myndum inn frá síðustu fjallaferð okkar, en þá varð Fanntófellið fyrir barðinu á skósólum okkar, en að vísu er Anna og Guðurún Helga búnar að rjúka upp Strútinn síðan þetta geriðst. Eins og fólk getur séð þá munaði mynnstu að við rammviltumst í svarta þoku á fjallinu og mikil slembilukka að það skyldi takast að taka myndir þegar upp var komið en þar var brattinn svo mikill og þokan að þegar ég loks rakast á eitthvað þá reyndist það vera hæsti punktur fjallsins, varða ein mikil og vel hlaðin, hefði hún ekki verið svona rammlega gerð í upphafi er ég viss um að ég hefði rutt henni um koll því ekki sást handa sinna skil þarna uppi (eins og sést á myndum hér til hliðar) undir linknum myndir Fanntafell en þetta var sannkölluð fannta ganga og entust strengirnir alveg í heilan dag á eftir. Nú er bara að sjá til hvað verður næst en þessi ferð endaði ekki nógu vel( ég verð nú að fá að væla eitthvað líka) því ég mætti heilum klukkutíma og korteri betur of seint í vinnuna þannig að nú verður bara gengið á föstudögum hér eftir því þá er (á að vera) frí hjá mér í kvöldmætingu. Líst mér þar best á að labba Akrafjallið og fara svo í kaffi á Skagann á eftir (var ekki einhver að bjóða okkur í kaffi eftir að fjallið yrði klifið)

Mér gengur ekki rassgat hinsvegar í að koma mér almennilega fyrir, þarf að mála og hef ekki pening til að kaupa málningu fyrr en um mánaðarmótin og það er farið svona frekar að pirra mig, eins ættla ég að freista þess að rífa teppið af öðru herberginu og setja þar plastparket. Veit ekki hvenær það gerist en vonandi fljótlega.......þarf ég ekki að taka fram að ég kann hvorki að mála né parketleggja.

Meira bull frá mér seinna...

Þolimæði þrautir vinnur allar...

Mon, 07 Aug 2006 20:00:43 GMT

Það sem ég var að reyna að gera hér á þessarri síðu tókst loksin, ekki neitt mér að kenna bara einhver pikkles í þessu kerfi í gær...sennilga margir að blogga eftir verslunarmannahelgina hver veit....ekki ég. En allavega það eru komnir nokkrar undirsíður með myndum, linkarnir eru hér til ß vinstri hmm. Skálafellsmyndir og svo undir linknum Hitt og þetta þar eru nokkra myndir fá því við Zorri fórum í útsýnisferð í átt að Nesjavöllum, man ekki alveg hvenær það varheld að það hafi verið í fyrra vor (2005), hann allaveg átti þessa Toyotu þá. Engin fjallanöfn eða örnefnanöfn eru með myndunum því þau þekki ég ekki glóru þarna frekar en annarstaðar. Vona að þið njótið að skoða og kannski látið mig vita ef þið þekkið hundaþúfurnar þarna sem sjást. Það verður ekki skriðfað meira um Skálafellsferðina og það koma ekki fleirri myndir þaðan. Nú á ekki að vera mikið mál fyrir mig að henda inn myndum á þessa bloggsíðu í framtíðinni. Hef alltaf sagt það þíðir ekker að gefast upp þó manni takist ekki ættlunarverk sitt í fyrstu tilraun hehe. Það eiga að vísu eftir að koma myndri frá Floridaferðinni en það tekur svo langann tíma að ég nenni því ekki núna.

Meira bull frá mér seinna....

Það er nú það....

Sun, 06 Aug 2006 02:33:31 GMT

Nú er ég kominn í ótimasetta fýlu við þetta blog.central dæmi, get ekki gert það sem ég hef gert áður hér á síðunni........ekki spyrja mig why.

Ekki meira bull frá mér fyrr en ég hef ráðið bót á þessu.

Laugardalurinn

Sun, 06 Aug 2006 00:53:58 GMT

Já það var laugardalurinn í gærkveldi, og ekki leiðinlegt nema að því leiti að ég mætti frekar seint. Illa gekk mér að ganga á hljóðið þó ég hefði nú átt von á að það yrði ekki vandamál, ekki hjá sjálfum Stuðmönnum. Borgaði mig inn og lagði svo af stað. Hafði ekki hugmynd um hvar sviðið væri svo ég taldi réttilegast að fylgja straumnum þó hann færi frekar hægt að mínu mati, komst svo loks í heyrnmál við hljómsveitina þó ekki hljómaði það Stuðmannalega það sem þar kom úr boxunum þá stundina og hefði ég giskað frekar á einn furmmanninn sem var byrjaður að gefa út plötur áður en Sutðmenn mættu í MH. Þegar nær dró sviðinu reyndist grunur minn réttur að þar væri á ferð sjálfur Meistari Megas og fór hann á kostum það sem ég sá og heyriði til hans. Við tók svo stanslaus skemmtun með sjálfum Stuðmönnum. Voru þeir bæði skemmtilegir og óaðfinnanlegir fyrir utan hvað það hefði mátt stilla kerfið aðeins hærra. Ég var nær kominn alveg upp að sviðinu þegar ég var farinn að heyra sæmilega í þeim og veit ég fyrir víst að þeir sem fjær voru höfðu það á orði að þeir mættu hækka í sér. Sem sagt frábært kvöld í góðu veðri og góðri stemmingu í Laugardalnum.

Heyrið meira frá mér seinna....

Göngumóður

Sat, 05 Aug 2006 16:54:54 GMT

Jæja þá er ég loksins genginn í gönguhóp sem trúlega er að ganga af vitinu, tók þátt í maraþongöngu á hundaþúfu á Hellisheiði, þessi hundaþúfa er að vísu ansi há af hundaþúfu að vera, og enginn var þar hundaskíturinn heldur þannig að sennilega er þetta bara ekki nein hundaþúfa eftir allt, enda ekki nema tæpir 600m á hæð... sennilega eru það metrar yfir sjávarmáli þó ekki hafi það komið fram á nefmælingum Þórðar. Ég lifði þessar hremmingar allar af enda er ég afburða göngumaður og var vel út búinn í slíka svaðilför, með nýja (eða næstum því) strigaskó og stuttermabol og 1 svala í nesti. Það er bara ekki hægt að fara þungklyfjaður í svona fjallgöngur. Hópurinn nefnir sig Eitt skref í einu, en mér finnst að hann ætti að heita Týndur og fundinn. Ekki vil ég leyfa þórði að meta það oftar hvað sé bratt og hvað ekki bratt því hann eltir bara á sér nefið og fer beint af augum eða þannig. Þetta nef hans mældi okkur líka á þessu þægindar rölti á tæplega 60 km hraða.

Ekki furða þó ferðin hafi tekið stuttan tíma og n.b. þetta var á leiðinni upp, ég þorði ekki að spyrja hver hraðinn var á leiðinni niður, en ekki vil ég setja sjóarann í lögguna að hraðamæla. Þoka var þarna og var ekki, fer eftir hvort horft var upp fjallið áður en við lögðum af stað eða eftir að við höfðum verið þar, sólin var þarna líka, bara ekki á sama tíma og við. Var að fá meil frá Önnu um hvaða hundaþúfa verður næst fyrir barðinu (skósólunum) á okkur. Lýst vel á það, nánar um það síðar.

Meira bull frá mér síðar....

Jæja það tókst loksins...

Tue, 25 Jul 2006 21:26:05 GMT

... að fá tengingu á nýja staðnum, tók nú ekki nema ca. viku!!!! Var að velta fyrir mér hvort þeir hafi komið hér og þurft að þræða þetta handvirkt. Lítið og fátt að gerast hjá mér þessa dagana, búinn að vera að vinna nær uppá hvern einasta dag síðan við komum að utan + það að vera að flytja og reyna að koma mér fyrir. Sem gengur frekar seint en gengur samt. Verð í fríi um næstu helgi og verslunarmannahelgina líka. Hvort ég fari á eitthvða flakk á bara eftir að koma í ljós. Ættli ég láti ekki veðrið ráða því hvort ég verði duglegur hér heima eða þvælist eitthvað norður.

Meiri fréttir af mér seinna.